टोकियो/जापान । जापान अत्यन्तै धेरै प्राकृतिक विपत्तीहरु आईपर्ने मुलुक हो । यहाँ वर्षेनी सयौँ संख्याका भुकम्प, बाढी/पहिरो/ डुबान तथा ज्वालामुखी बिस्फोटन जस्ता प्राकृतिक विपत्तीहरु घट्ने गर्दछन् । यसैक्रममा, जापानको समाचार संस्था एनएचकेले विज्ञहरुसंगको सहकार्यमा तयार पारेको एक रिपोर्ट अनुसार, जापानमा यदि हरेक १ हजार वर्षको आसपासमा पर्ने भारी वर्षा दोहोरिएमा, जापान भरका करिब ४ करोड ७० लाख मानिसहरु डुबानको जोखिममा रहेको देखिएको छ ।

विश्वभर,बढेको जलवायु परिवर्तन तथा तापमानका कारण, विगतमा खासै पानीतो सतह नबढ्ने स-साना खोलालनालाहरुमा पनि पानीको सतह ह्वात्तै बढ्न थालेका छन् । परिणामतः यदि अति ठूलो वर्ष भएमा जापानका ४ करोड ७० लाख मानिसहरुको यतिखेरको बसाई बाढी तथा डुबानको जोखिममा रहेको बताईएको हो ।

यसरी विज्ञहरुसंगको सहकार्यमा तयार पारिएको जोखिम चित्रण नक्साका आधारमा, पूर्व तयारी गरि ति स्थानका बासस्थान अन्यत्र सार्ने या डुबानको जोखिमका बेलामा भाग्न/आश्रय लिनसक्ने उच्च स्थानहरुको निर्माण गर्ने जस्ता रोकथामको उपायहरु अबलम्बन गर्न सकिने विज्ञहरुको ठहर छ ।

यसरी बाढी तथा डुबानको जोखिममा रहेका मानिसहरुको प्रिफेक्चर अनुसार वर्गिकरण गर्ने हो भने, टोकियो क्षेत्रमा सबैभन्दा धेरै ४२ लाख ४५ हजार ७ सय २३ जना र सबैभन्दा थोरै ५४ हजार २ सय ५५ जना देखिएको छ । यस अध्ययन अनुसार यदि अब अनुमान गरिए जस्तै ठूलो वर्षा भएमा यस अघि कहिलै बाढी नआएको नदि/खोला तथा ताल तलैयाहरुमा पनि अत्यन्तै बाढी आउनेछ ।

जापानमा वसोवास गर्ने सबैले यहाँको प्राकृति विपत्तीहरुको जोखिमहरु बारे जानकारी लिँदै, त्यस्ता जोखिमपुर्ण स्थानबाट अन्यत्र सर्ने या, आपतकालिन अवस्थामा आश्रय स्थलहरुको व्यवस्था गर्न जरुरी छ ।