टोकियो/जापान । निरन्तर कमजोर बन्दै आएको जापानी येन बुधबार( जुन ८ तारिख) थप कमजोर बन्दै प्रति १ डलर अस्थायीरुपमा १३४ येनसम्म पनि बिक्री भयो । जापानी येनको यो कमजोर अवस्था २ दशक पछि पहिलो पटक दोहोरिएको हो ।

हिजो विदेशी मुद्रा विनिमय बजारमा दिनैभर जसो जापानी येन बेच्ने र अमेरिकी डलर किन्नेहरुको भिड नै देखियो । लगानीकर्ताहरुलाई जापानी येनको लगानी सुरक्षित नदेखेकाले अधिक लाभ लिन सकिने अन्य मुद्राहरुमा धमाधमा लगानी बढाईरहेकी छन् । जापानी केन्द्रिय बैंकले आफ्नो स्थिर मौद्रिक नीतिमा तत्काल कुनै प्रतिकृया नदेखाउने संकेत गरेपछि पछिल्लो २ दिन यता जापानीले थप विश्वास गुमाएको देखिएको छ ।

बुधबार न्युयोर्क,टोकियो तथा लन्डन विनिमय बजारमा जापनी येनको उपस्थिति निकै फितलो रह्यो । बुधाबार कायम भएको कारोबार मुल्य सन २००२ फेफ्रुअरी यताकै न्युन हो ।

जापानी येन कमजोर हुँदा, समग्र वस्तु तथा सेवाको मूल्य बढी आर्थिक भार त परिरहेकै छ । त्यसमा पनि जापानबासी नेपालीहरुलाई भने अहिले रेमिट्यान्स गर्दा साविकको तुलनामा निकै घाटा लागिरहेको छ । अहिले १ लाख नेपाली रुपैयाँ रेमिट्यान्स गर्न करिब १ लाख ८ हजार जापानी येन पठाउनुपर्नेछ ।जापानी येन थप कमजोर बनेमा यो रेट अझै बढ्नेछ ।जबकि यस अघि १ लाख येन पठाउँदा नेपाली १ लाख भन्दा बढी हुने गर्दथ्यो ।