टोकियो/जापान । यस वर्षको सुरुवातदेखिनै अत्याधिक मूल्यवृद्धिको मार खेप्दै आएका जापानबासी उपभोक्ताहरुलाई अब झन महंगीको भार थपिने भएको छ । हालसम्म खाद्यन्न तथा ईन्धनहरुमा मात्रै देखिएको मूल्यवृद्धि अव,लत्ता कपडा पनि हुनेभएको छ ।

जापानको फ्यासनवेयरमा बर्चश्व जमाउँदै आएको युनिक्लो जापानले अब आफ्ना विभिन्न उत्पादनहरुमा मूल्यवृद्धि गर्ने घोषणा गरेको छ । युनिक्लो जापानले आउँदो अगस्टबाट लागु हुनेगरी आफ्ना उत्पादनको सामानहरु प्रति पिस १ हजार येनका दरले बढाउनेछ । यो एकैपटक हुने ठूलो मूल्यवृद्धि हो । जापानमा युनिक्लो अत्यन्तै लोकप्रिय फ्यासनवेयर अन्तरगत पर्दछ ।

जापानी संचार माध्यमहरुले जनाए अनुसार, अउँदो अगस्टबाट हाल,१९९० येनमा प्राप्त कपडाहरुतको मूल्य २९९० पर्नेछ । त्यस्तै हाल ५९९० येनमा किन्न सकिने अल्ट्रा डाउन ज्याकेट ६९९० येन पर्नेछ । यसरी यस वर्षको आउँदो जाडोयाम निकै महंगीने संकेत गरेको छ ।

कोरोना महामारीका कारण आपुर्तिमा तथा उत्पादनमा देखिएको जनशक्ति अभावसंगै बढ्दो लागत, कच्चा पदार्थको लागत लगायतका कारण मूल्य वृद्धि गर्नुपरेको बताईको छ । युनिक्लोका कपडाहरु सबै भियतनाम तथा चाईनामा उत्पादन हुने गरिएको छ ।