टोकियो/जापान । केहि दिन अघि जापानको नागोयामा निधन भएका चितवानका दुर्गा बहादुर विकको परिवारलाई जापानबाट २ लाख ३० हजार येन सहयोग पठाईएको छ ।

आईतबार, जातीय विभेद विरुद्ध विश्व मञ्च( ग्लोबल फोरम)जापानले संकलित रकम मृतक बिकको परिवारलाई पठाएको हो । शोक सन्तप्त परिवारलाई,पर्न गएको आर्थिक भारलाई थोरै भएपनि सहायता प्रदान गर्ने उदेश्यले संकलित सो रकम,ग्लोबल फोरम जापानका अध्यक्ष धन बहादुर बिक,नेपाली जनप्रगतिशील मन्च जापानकी सचिव एवं ग्लोबल फोरम जापनकी संस्थापक सदस्य मुना सुनुवार र नेपाली जनप्रगतिशील मञ्च जापानका सल्लाहकार बिष्णु रसाईलीको उपस्थितीमा जेएमई रेमिट बाट नेपाल पठाईएको हो ।

फोरमका अध्यक्ष धन बहादुर बिकका अनुसार, मृतक दुर्गा बहादुरको अन्त्येष्टिमा लागेको खर्च उनि पढ्न आएको कलेजले नै ब्योहोरिदिएको थियो भने, कलेजलाई तिरिएको शुल्क पनि फिर्ता गरिदिएको छ । साथै नेपालको कन्सल्टेन्सीले समेत आफुले लिएको सेवा शुल्क पनि परिवारलाई फिर्ता गरिदिएको छ ।

मृतक बिकले जापान आएको २ साता नबित्दै आफैले मृत्युको बाटो रोजेका थिए ।