टोकियो/जापान । जुन महिना जापानबासी नेपालीहरुको लागि दुःखदपुर्ण महिना बन्न पुग्यो । लगभग १ लाख जति नेपालीहरुको बसोबास रहेको जापानमा  जुनमा एकै महिना ७ जना नेपालीहरुको दुखद असामयिक निधन भयो ।

केहि, सामाजिक संस्थामा कृयाशिल सहयोगी व्यक्तिहरुको त हरेक साता जस्तै प्रदेशी भूमीमा ज्यान गुमाउनेहरुको पोस्टमार्टम रिपोर्ट लिने र पार्थिव शरिरको जिम्मेवारी लिँदै अन्त्येष्टि गर्ने दैनिकी जस्तै बन्न पुग्यो। ।

मृत्यु संघै पिडादायी त हुँदै हो, अझ प्रवासका मृत्युहरु झन भयानक दर्दनाक हुनेगर्दछन् । त्यसमा पनि कालगतिले तथा उपातार गराउँदा/गराउँदै भए,उसको आयुनै त्यतिनै रहेछ भनेर मन बुझाउने बाटो होला तर एक्कासी आफैले मृत्यु रोजेर जानेहरुको परिवार पिडाको कुन सागरमा डुबेको होला, त्यो केबल उनिहरुलाई भन्दा अरुलाई त के थाह हुन्छ र ?

जापानमा अघिल्लो महिना,विद्यार्थी भिसामा जापानको नागोया आईपुगेको १२ दिनमै चितवानका दुर्गा बहादुर बिकले मृत्यु रोजे,जापानमा अध्ययन गरी केहि अर्थोपार्जन गरि घर बनाउने सपना बोकेर आएका बिक घरै नफर्कि जापानी भूमिमै बिलिन भए । त्यस्तै जापानमा लामो समय बसिसकेका अर्का स्यांग्जाका एक नेपालीले पनि आफैँले मृत्यु रोजेको बताईयो( उनको बारेमा परिवारले थप केहि सार्वजनिक गर्न चाहेन) । त्यसपछि जापानको साईतामा प्रिफेक्चरमा परिवार सहित बसोबास गर्ने ४१ वर्षिया निलक कँडेलको  हृदयघातको  कारण निधन भयो ।

मृत्युका श्रृंखला बढ्दै गएको जापानमा त्यसपछि, बागलुङका सुरेश गौतमको निधन भयो ।सुरेश लामो समयदेखि क्यान्सर रोगसंग संघर्ष गरिरहेका थिए । २७ वर्षिय सुरेसको सक्दो उपाचार गर्दा/गर्दै निको नभएपछि निधन भएको थियो ।

फेरि बागलुङकै २ जना स/सना बालकहरुले टोकियोको तामा खोलामा पौडि खेल्नेक्रममा ज्यान गुमाए । उनिहरुको अन्त्येष्टि सकिन नपाउँदै ओसाकामा म्याग्दिका अर्जुन रोका मगरले आफैले मृत्यु रोजे । यसरी अघिल्लो महिना जापानको नेपाली समुदायमा यसअघि कहिलै नदेखिएको मृत्युको श्रृंखला देखियो ।

यस्ता, दुखद खबरहरु लेख्दा हरेकपटक हामीले जापान स्थित नेपाली संघसंस्था तथा सरोकारवाला निकायहरुलाई अवस्था बोध गरेर यस्ता सम्भावित दुखत घटनाहरु न्युनिकरणमा पहल गर्नका लागि सचेत गराउँदै आएका छौँ । आशा गरौँ आगामी दिनहरुमा जापानमा यस्ता दुखद घटनाहरु न्युनिकरण हुनेछन् ।