जापान । ताईफुन ४ ( 台風 4号)का कारण परेको भारी वर्षाले  जापानको शिकोकु,किन्की,तोउकाई तथा उत्तरी /पश्चिमी क्युशुका विभिन्न क्षेत्रहरु प्रभावित भएको छ।

भारी वर्षाका कारण नदिनाला छेउछाउ तथा समतल क्षेत्रमा बाढी तथा डुवान एवं पहाडी क्षेत्रहरुमा पहिरोको चेतावनी जारी गरिएको छ। फुकुओका, कुमामोतो,एहिमे,कोची,नागासाकी लगायतका प्रिफेक्चरहरुको विभिन्न क्षेत्रहरुमा बाढी/पहिरो तथा डुबानको जोखिमका कारण सयौँ घरपरिवार विस्ताथापित हुनुपर्ने चेतावानीहरु जारी गरिएको छ ।

मौसम विज्ञान एजेन्सीका अनुसार ,ताईफुन ४ नागासाकी प्रिफेक्चरको सासेबो शहर नजिक ५ तारिख बिहान ६ बजे तिर आईपुगेको थियो । नागासाकी, फुकुओका र कुमामोतो प्रिफेक्चरहरुमा  ताईफुनको कारण अहिले प्रतिघण्टा १ सय मिलिमिटर भन्दा धेरै वर्षा भएको देखिन्छ ।

ताईफुनको प्रभावबाट टाढा रहेको सिकोकु क्षेत्रमा पनि भारी वर्षा भईरहेको छ र भने डुवान तथा कटानको प्रकोप बढेको छ । नदिको छेउछाउमा बाढि तथा डुबानको जोखिम हुनसक्ने भन्दै सचेत गराईएको छ ।

ताईफुबाट निकै टाढा रहेको पुर्वि तथा उत्तरी जापानमा समेत विभिन्न स्थानहरुमा भारी वर्षा हुनसक्ने मौसमी अनुमान गरिएको छ । ताईफु नसकिनुजेल जापानको अधिकांस क्षेत्रहरुमा जोखिम रहेको भन्दै समाचारहरु मार्फत सचेत गराईएको छ ।