सिजुओका/जापान। ।सिजुओका प्रिफेक्चरको हामामाचु नगरमा भारी वर्षाका कारण सहर हुँदै बग्ने आन्मा खोलाको पानीको बहाव बढ्दै गएकाले ९ गते राति १० बजेर ५५ मिनेटमा नाका वडा, हिगासी वडा, मिनामी वडा र हामाकिता वडाका ५१ हजार ३३० घरधुरी का १ लाख २७ हजार १०४ जनालाई सुरक्षित स्थानमा आश्रय लिन सुचाना जारी गरिएको छ ।

त्यस्तैगरी, हामामाचु सहर हुँदै बग्ने सुरिहासी नदीमा पनि पानीको सतह बढेसँगै किता वार्डको मिक्काबी क्षेत्रमा पनि आज साँझ ७ः४० बजे १६४७ घरधुरीका ४५३२ मानिसहरूलाई सो स्थानबाट हट्न निर्देशन दिईएको थियो ।

ति स्थानहरुमा सतर्कता स्तरहरू मध्ये स्तर ४ जारी गर्दै जानकारी सबैलाई खतरनाक क्षेत्रहरूबाट बाहिर निस्कन आह्वान गरिएको छ ।

हिजोदेखि नै जापानको विभिन्न स्थानहरुमा भारी वर्षाका कारण बाढी पहिरो तथा डुबानका चेतावनी जारी गरिएको छ । तपाई पनि स्थानीय खबर हेर्दै सतर्क रहनुहोला ।