टोकियो/जापान । जापान सरकारले सन २०२७ सम्ममा ३ लाख विदेशी विद्यार्थीहरु भित्र्याउनो योजना सार्वजनिक गरेको छ । जापानले कोभिड १९ कारण जारी कडा सीमा सुरक्षाका उपायहरुको प्रभावस्वरुप ह्वात्तै घटेको विदेशी विद्यार्थीहरु फेरि पहिलेकै अनुपातमा भित्र्याउने योजना सार्वजनिक गरेको हो ।

जापान स्टुडेन्ट सर्भिस अर्गनाइजेसनका अनुसार सन २०१९ मे महिनामा जापानमा ३ १२,२१४ विदेशी विद्यार्थी थिए, तर सन् २०२१ को मे सम्ममा यो संख्या घटेर २,४२,४४४ मा पुगेको छ ।त्यसैले यो घटेको विद्यार्थीहरुलाई फेरि बढाउने योजना अघि सारिएको छ ।

जापानको शिक्षा, संस्कृति, खेलकुद मन्त्रालयले भनेको छ, “विदेशी विद्यार्थीहरू केही समयका लागि जापान प्रवेश गर्न नसकेनन् । यो संगै जापानमा रोजगारी पाउने (विदेशी विद्यार्थी) को प्रतिशत पनि घटेको छ । जसले जापानको

क्षमतावान कामदारहरू सुरक्षित गर्ने क्षमतामा ठूलो असर पारेको छ।” जापानमा आई अध्ययन गरेका क्षमतावान विदेशी विद्यार्थीहरु जापानको अर्थतन्त्रमा महत्वपूर्ण प्रभाव पार्ने जनशक्तिहरु हुन् ।

जापानले महामारीको सुरुमा भिसा पाएका विदेशी विद्यार्थीहरू सहित नयाँ प्रवेशीहरुलाई आफ्नो सिमाना बन्द गरेसंगै प्रवेश नदिएपछि जापान आउन चाहने धेरै विदेशी विद्यार्थीहरु दक्षिण कोरिया जस्ता अन्य देशहरूको विश्वविद्यालयहरूमा तर्फ लागे भने कतिपयले विदेश अध्ययनको सोचनै त्यागे । निरन्तर जन्मदर घटिरहेको जापानको श्रमबाजार थेग्ने भरपर्दो जनशक्ति विदेशी विद्यार्थीहरु हुन् । सम्भवत यिनै कुराहरुलाई मध्यनजर गरेर हुनसक्छ, फेरि ३ लाख भन्दा धेरै विदेशी विद्यार्थीहरुले अध्यायनका लागि आउन सक्ने वातावरण बनाउने बारे धारणाहरु बाहिर आउन थालेको छ ।