टोकियो/जापान । चुनावी प्रचारको क्रममा गोली प्रहारबाट हत्या गरिएका पुर्वप्रधानमन्त्री सिन्जो आबेको सेप्टेम्बरमा गरिने भनिएको राजकिय अन्त्येष्टिका लागि सरकारी बजेट खर्च गर्नु न्यायोचित नभएको भन्दै नागरिक नागरिक समूहका सदस्यहरू सहित ५० जनाको समूहले बिहीबार टोकियोको एक अदालतमा उक्त समारोहमा सरकारी बजेट प्रयोग हुनबाट रोक्न रिट दायर गरेका छन् ।

सेप्टेम्बर २७ मा सम्भावित दुर्लभ अन्त्येष्टि गर्ने मन्त्रिपरिषद्को निर्णयको पूर्वसन्ध्यामा, यदि मन्त्रिपरिषदले आबेको अन्त्येष्टिमा सरकारी बजेट प्रयोगको निर्णय गरेमा हस्तक्षेप गर्नका लागि माग गर्दै नागरिक समूह सहित ५० जनाको समूह टोकियो अदालत पुगेका हुन् ।

सत्तारुढदल लिब्रल डेमोक्रेटिकको चुनाबी सभालाई सम्बोधन गर्नेक्रममा निधन भएका आबेको सम्मानार्थ सरकारले पुर्ण खर्च ब्योहोर्ने गरी आउँदो सेप्टेम्बरमा राजकिय अन्त्येष्टि गर्ने तयारी सहित योजना अघि बढाईएको छ ।

आज हुने मन्त्री परिषदको बैठकले यसबारे कुनै निर्णय गर्ने अपेक्षा गरिएको छ । तर नागरिक समूहले हिजो नै मन्त्रिपरिषदबाट यदि यस्तो निर्णय भए, त्यसलाई रोक्न भन्दै रिट दायर गरेका हुन् । त्यसो त विपक्षी दलहरुले पनि यो निर्णयलाई स्विकार नगर्ने संकेत गरेका छन् ।