टोकियो/जापान । जापानमा अहिले कोरोना संक्रमण महामारी सुरु भएताकै उच्च जोखीमपूर्ण अवस्थाबाट गुज्रिरहेको छ । तर जापान सरकारले भने यस पटक विगतमा जस्तो उच्च सतर्कता नअप्नाउने संकेत गरेको छ ।

हिजो एकैदिन १ लाख ८२ हजार जनामा कोरोना संक्रमण देखिएपछि आज सरोकारवाला मन्त्री तथा विज्ञहरुसंग छलफल पश्चात, कोरोना संक्रमण रोकथामका विशेष उपायहरु कार्यन्वयन गराउनुको सट्टा, संक्रमितहरुको संसर्गमा आएका मानिसहरुलाई नजिकको सम्पर्कको रुपमा संक्रमण जोखिम भनेर राखिने आईसोलेसन अवधी घटाएर ५ दिनमा झारिएको बताएईको छ।

यसका अलवा, अहिले २० वर्ष उमेर समूहका युवा समूहहरुमा ठूलो मात्रामा संक्रमण देखिएकाले उनिहरुलाई छिटो भन्दा छिटो तेस्रो खोप लगाउन अनुरोध गर्ने तथा खोप लगाउने वातावरण सिर्जना गर्ने बताईएको छ ।

नेपालबाट जापान आउँदा अब एयरपोर्ट पिसिआर परिक्षण गर्नुनपर्ने

जापानले यहि जुलाई २७ तारिकबाट नेपालबाट आउने ब्यक्तिको तेस्रो डोज खोप नलगाएता पनि एयरपोर्टमा कोरोना परिक्षण गर्न नपर्ने भएको छ ।यसका साथै जापान प्रवेश गर्ने होम क्वारेन्टिन पनि बस्नु नपर्ने गरि निर्णय गरेको छ।

यस अघि नेपाललाई पहेलो क्याटेगोरीमा राखेको जापानले जुलाई २७ तारिक बाट निलो क्याटेगोरिमा राख्ने भएको छ।हाल नेपालमा ७२ घण्टा भित्रको पिसिआर नेगेटिभ रिपोर्ट चाहिने बारेमा भने परिवर्तन भएको भन्ने सूचना नआएकोले अनिवार्य रुपमा गरेर आउन समेत भनिएको छ ।