टोकियो/जापान । ८ जुलाई चुनावी प्रचारको क्रममा पूर्वप्रधानमन्त्री सिन्जो आबेलाई गोली प्रहार गर्ने व्यक्तिले प्रयोग गरेको घरेलु बन्दुकमा प्रयोग गरेको बारुद कृषिमा प्रयोग गर्ने रसायनिक मलबा बनाएको अनुसन्धानबाट पत्ता लागेको छ।

योमियुरी पत्रिकामा प्रकाशित खबरका अनुसार आबेलाई गोली प्रहार गर्ने नारा निवासी तेचुया यामागामीले अनलाईनबाट कृषिमा प्रयोग हुने फर्टिलाईजर लगायतका सामग्रीहरु खरिद गरि, युट्युबमा रहेको जानकारी हेरेर बारुद बनाएका थिए ।

अत्यन्तै कडा बन्दुक नियन्त्रण कानुन कार्यन्वयनमा रहेको जापानमा बारुद तथा बन्दुक किन्नु असम्भव जस्तै छ ।यसै परिस्थितिलाई राम्रो संग बुझेका पुर्व सामुद्रिक आत्मरक्षा बलका कर्मचारी यामागामीले आफैले बनाएको बन्दुकबाट गोली प्रहार गरेको अनुसन्धानमा खुलेको छ ।

प्रहरीका अनुसार, जब यामागामीले आफ्नो घरेलु बन्दुकले आबेलाई गोली हाने, सेतो धुवाँको ठूलो बादल जस्तै मुस्लो निस्कियो । धुवाँको विशेषताको आधारमा, प्रहरीले यामागामीले कालो पाउडर प्रयोग गरेको विश्वास अनुमान गरेको छ, जुन अघिल्लो पहिले/पहिले बन्दुकका लागि प्रयोग गरिन्थ्यो। कालो पाउडर सजिलै प्रज्वलित हुन्छ र ठूलो मात्रामा धुवाँ उत्पादन गर्दछ। कृषि मलमा पाइने पोटासियम नाइट्रेट, सल्फर र अन्य सामग्री मिसाएर यो बारुद बनाउन सकिन्छ ।