टोकियो ।जापानमा जारी तेस्रो सिजुओका खुल्ला इन्टरनेशल फ्रेण्डशिप कराँते प्रतियोगितामा सहभागि हुन आएका नेपाली खेलाडीहरुलाई एनआरएनए जापानले बधाई एवं स्वागत गर्दै सम्मान गर्यो।

सिनक्याकोसिन काई नेपालका ब्रान्च चिफ सुर्य बुढाथोकीको नेतृत्वमा नेपालबाट आउनुभएका खेलाडी कुमार श्रेष्ठले, ७० केजी तौल समुहमा रामहरी आले मगरले ७० केजी भन्दा माथी प्रतिस्पर्धामा तथा विनिता फुयाल ३५ वर्ष माथी, महिला खुल्ला तौल समुहमा र दिसान लामाले १५वर्ष मुनीको ५५ केजी मुनी तौल समुहमा सहभागिता जनाएका थिए ।
कुल दुईसय बढि खेलाडीहरुले उपाधिका लागि सहभागिता जनाइरहेका छन । प्रतियोगीतामा नेपाली खेलाडीले रजत पदक सहित वेष्ट फाइटरको उपाधी पाँउदा जापान स्थित नेपाली अत्यन्त हर्षित भएको बताईएको थियो।

सम्मान कार्यक्रममा एनआरएनए जापानको तर्फबाट उपाध्यक्षद्धय सरोज कुमार खत्री, शिव प्रसाद पौडेल र कोषाध्यक्ष कालिका थापा, महिला संयोजक सबिता श्रेष्ठ सहित सदस्य लगायत सुभचिन्तकहरुले पुष्प गुच्छा सहित खादा ओडाएर स्वागत तथा सम्मान गरेका थिए।१५ बर्ष पछि नेपाललाई सिन क्योकुसीन करातेमा सफलता मिलेकोमा सहभागिहरुले खुशी व्यक्त गर्नुभएको थियो।