टोकियो/जापान। चीनद्वारा ताइवान वरपर व्यालेस्टिक मिसाईल प्रक्षेपण सहित जापान वरपरको सुरक्षा वातावरण झन् गम्भीर बन्दै गएकोले पहिलो पटक जापानमा छोटो दूरीको मिसाईलहरु प्रक्षेपण प्रशिक्षण गरिएको छ ।

जापानको होक्काईदोमा रहेको एक मात्रै, छोटो दूरीको मिसाइल फायर प्रशिक्षणलाई अनुमति प्राप्त क्षेत्र सिजुनाई एन्टि एयरक्राफ्ट जोनमा जापानमा पहिलो पटक टेलिभिजन लगायतका श्रव्य/दृश्य माध्महरुमा समेत देखाउने गरि छोटो दुरीका मिसाईलहरु परिक्षण प्रक्षेपण गरिएको हो ।

त्यहाँ ति मिसाईलहरु प्रहार गर्नुअघि स्थानीय मत्स्यपालन सहकारी र नगरपालिकाहरूसँग परामर्श गरी समय र अवधी निर्धारण गरिएको थियो, र त्यस अवधिमा प्रशिक्षण सञ्चालन गर्न देशभरका सैन्य आधारहरूबाट भेला भएका सेल्फ डिफेन्स फोर्सका कर्मचारीहरु उपस्थित रहेका थिए ।

उक्त प्रशिक्षणमा सामान्यत छोटो दुरीका मिसाईल (Short SAM) भनेर चिनिने टाईप ११ प्रयोग गरिएको थियो । जसले छोटो दुरीको सतहबाट हावामा मिसाइलहरु प्रक्षेपण गरेको थियो।यो छोटो दूरीको विमान र मिसाइलहरू रोक्नको लागि डिजाइन गरिएको हो, र यो सबैभन्दा उन्नत विशुद्ध घरेलू उपकरण मिसाइल भएको बताईएको छ ।

तालिममा “Short SAM” ले दश किलोमिटर टाढा समुन्द्रमा सयौं मिटरको उचाइमा उडिरहेको उच्च गतिको लक्ष्यलाई प्रहार गर्न सक्छ।त्यसमा जडित राडारले दुश्मन मिसाइलहरू पत्ता लगाउँदछ, र लन्चरले प्रत्यक्ष गोला बारुद फायर गर्दछ।
यसमा २०० किलोग्राम भन्दा कम तौलको मिसाइलहरु क्रेन प्रयोग गरेर लन्चरमा लोड गरि प्रक्षेपण गरिनेछ ।