टोकियो/जापान।निरन्तर कमजोर बन्दै गएको जापानी येन आज(२२ सप्टेम्बर १ डलर बराबर १४५ येनको कमजोर अवस्थामा पुगेपछि,जापानी केन्द्रिय बैंकले विदेशी मुद्रा विनिमय बजारमा हस्तक्षेप गरेको छ ।

आज टोकियो विदेशी मुद्रा बिनिमय बजारमा, केन्द्रिय बैंकले येनको तीव्र अवमूल्यन रोक्नको लागि हस्तक्षेप गर्ने निर्णय गरि सोहि अनुसारको नीति कार्यन्वयन गरेको हो । अर्थमन्त्री कान्दाका अनुसार,यो तीब्र अबमुल्यनलाई हस्तक्षेप जरुरी भएको सरोकारवालाहरुको संयुक्त निर्णय पश्चात त्यसो गरिएको हो ।

यस विषयमा अर्थमन्त्री काण्दाले भने, ‘अहिलेको विनिमय बजारमा सट्टेबाजीको पृष्ठभूमिमा तीव्र र एकतर्फी गतिबिधि देखिएको छ ।” पत्रकारहरूले बजार हस्तक्षेप गर्नु निर्णायक उपाय हुनसक्छन् त भनेर सोध्दा, उनले एकै वाक्यमा “हो।” भन्ने जवाफ दिएका थिए । सन २०११ को नोभेम्बर(११ वर्षमा)यता यस्तो हस्तक्षेप पहिलो पटक गरिएको हो ।

यस अघि सन १९९८ मा येन डलरको तुलनामा १४० येनको स्तरमा झरेको थियो । अहिले त्यो भन्दा पनि कमजोर अवस्थामा पुगेको हो ।