टोकियो/जापान। नेपालको कर्णाली प्रदेशबाट आइ,अध्ययन र रोजगारीको शिलशिलामा जापानमा रहेका युवाहरुको संगठन कर्णाली प्रदेश समाज जापान क्षेत्रीय समिति सेन्दाईको अधिवेशन सम्पन्न भएको छ । समाजका अध्यक्ष विमल जिएमको अध्यक्षतामा सम्पन्न दोस्रो अधिवेशनबाट नयाँ कार्यसमिति समिति गठन भएको छ।

नव गठित कार्यसमितिको अध्यक्षमा विनोद महतरा चयन भएका छन् भने उपाध्यक्षमा नरेशकुमार अधिकारी, महासचिवमा नविन केसी, सचिवमा विशाल जंग शाही, कोषाध्यक्षमा रत्नबहादुर रोकाय र सह कोषाध्यक्षमा राजेन्द्र डाँगी चयन भएका छन् ।

यहि जनवरी १ तारिख सम्पन्न अधिवेशनले २३ सदस्यीय कार्यसमिति चयन गरेको छ भने निवर्तमान अध्यक्ष बिमल जिएमलाई सल्लाहकारमा मनोनयन गरेको छ ।