टोकियो/जापान।आज बिहान जापानको नारिता विमानस्थलबाट फुकुओकातर्फ उडेको एलसीसी जेटस्टारको बिमान आकस्मिक रुपमा आईची प्रिफेक्चरमा रहेको चुबु विमानस्थलमा अवतरण गरिएको छ।

आज(जनवरी ७ तारिख)बिहान ७ः३० बजेपछि फुकुओकालागि उडेको बिमान चुबु बिमानस्थलमा अवतरण गरिएको जापानी संचार माध्यमहरुले खबर प्रकाशन गरेका छन् ।उद्दारको क्रममा एक जना यात्रु सामान्य घाईते भएता पनि अन्य सबै यात्रु तथा चालक दलका सदस्यहरु सकुसल रहेको बताईएको छ।

विमानस्थल व्यवस्थापन कम्पनीका अनुसार जहाजमा विष्फोटक पदार्थ रहेको धम्की आएपछि विमानको आकस्मिक अवतरण गराईएको हो। अहिले प्रहरीले जहाजको अवस्थाबारे अनुसन्धान गरिरहेके छ।

अनुसन्धान श्रोतका अनुसार आज बिहान ६ बजेपछि एउटा अन्तर्राष्ट्रिय कल आयो र विमानमा बम राखेको बताईयो ।तर आकस्मिकरुपमा अवतरण गरि खोजबिन गरिएको भएतापनि
अहिलेसम्म विस्फोटक पदार्थ जस्ता शंकास्पद वस्तु फेला नपरेको बताईएको छ।