टोकियो/जापान। आज जापानका अधिकांस स्थानहरुमा साविकका वर्षहरुको आजकै दिनको तुलनामा तापक्रम अधिक(न्यानो)हुने जापान मौसम विज्ञान एजेन्सीले जनाएको छ ।

आज केहि स्थानहरुमा साविकको समयमा अप्रिल महिनामा कायम हुने बराबरको तापक्रम कायम हुने अनुमान सहित,भारी हिमपात भई,हिउँ जम्मा भएका स्थानहरुमा उक्त हिउँ पग्लिएर दुर्घटनाहरु निम्त्याउन सक्ने भएकाले सचेत रहन समेत आग्रह गरिएको छ ।

आज टोकियोको अधिकतम तापक्रम १९ डिग्री सेल्सियससम्म पुग्ने छ भने,फुकुओकाको अधिकतम तापक्रम १७ डिग्री सेल्सियस पुग्ने अनुमान गरिएको छ । त्यसैगरि नागोया एवं साप्पोरोमा समेत साविकभन्दा उच्च तापक्रम रहने बताईएको छ ।