टोकियो/जापान। आज जापानभर कुल २७ जना कोरोना संक्रमितहरुको मृत्यु भएको छ भने ८ हजार ४५ जनामा नयाँ संक्रमण देखिएको छ ।

जापानमा हाल कोरोना संक्रमणलाई सामान्य संक्रमणजन्य
रोगकोरुपमा लिई सोहि अनुसारको व्यवस्था गरिएको छ। यहि माहिनाको १३ तारिखदेखि मास्क लगाउने या नलगाउने बारे समेत व्यक्तिगत निर्णयमा छाडिएको छ। यद्यपी विभिन्न कम्पनीहरु तथा केहि बस तथा रेल सेवा प्रदायकहरुले भने मास्क लगाउन अनुरोध गर्दै आएका छन् ।

जापानमा कोरोना संक्रमण कम भएता पनि शुन्य नभएको तथा संक्रमण पुष्टि भए ५ दिन होम क्वारेन्टिन बस्नुपर्ने नियम भने कायमै छ।तर अहिले कोभिड संक्रमण भएपनि ईन्स्युरेन्स दावी भने गर्न पाईनेछैन।