टोकियो/जापान। यो वर्षको काफुन्स्यो सिजन लगभग सकिन लाग्यो तर जापान मौसम विज्ञान एजेन्सीले जनाए अनुसार, तपाईं अझै पनि सतर्क हुनुपर्छ।

यहि शुक्रबार ७ तारिखससम्म पश्चिमबाट वर्षाको क्षेत्र विस्तार हुने र अलिकति राहत मिल्ने भए पनि यो सातादेखि फेरि अत्यन्तै धेरै परागहरु उड्ने अनुमान गरिएको छ । कान्तो क्षेत्रको पश्चिमी भुभाग तथा तोहोकु क्षेत्रमा सुगीको पराग फेरि यो सिजनको अन्त्यमा अत्याधिक उड्ने आँकलन गरिएको छ।

यो वर्षको लागि काफुन अन्त्य नजिक छ, तर यसको समस्या भएका व्यक्तिहरु अब केहि दिन विशेष सजक ह हुनुपर्ने छ। भोलि, बिहीबार ६ तारिख क्युसुदेखि तोकाईसम्म सजिलै वर्षा हुनेछ, र परागको फैलावटलाई अलिकति कम हुनेछ, तर कान्तोदेखि तोहोकुसम्म भने पराग धेरै उड्ने सम्भावना रहेको छ।

कान्तो तथा पश्चिमी जापानमा मुख्यतया धुपीका परागहरु उड्नेछन् भने तोहोकु क्षेत्रमा सुगी(एक प्रकारको सल्ला)को परागहरु अधिक उड्नेछन् ।