नागोया/जापान।हिजो(८ तारिख) राति नागोयाको मेईतेचु नागोया मेनलाईनको मोतोकासादेरा स्टेशनको प्लेटफर्मको प्रतिक्षालयमा १८ वर्षीया महिला छातीमा धारिलो हतियार प्रहार भई,ढलिरहेको अवस्थामा भेटिएको र पछि मृत्यु  पुष्टि भएको जापानी संचार माध्यमहरुले खबर प्रकाशन गरेका छन् ।

प्रहरीका अनुसार ति युवतीको शरीरमा थुप्रै चोटहरु लागेको थियो। सोहि समयमा,एक युवकले उक्त ट्रेन प्लेटफर्मबाट ट्रेनको लिकमा हाम फालेको र उसको पनि त्यहि मृत्यु भएको बताईएको छ। हाल प्रहरीले ति लिकमा हाम फालेर आत्महत्या गर्ने पुरुष र ति महिलाको हत्याबिच सम्मबन्ध रहेको या नरहेको बारे अनुसन्धान गरिरहेको बताईएको छ।

घटनाको बारेमा जानकारी पाएपछि तुरुन्त घटनास्थलमा पुगेको प्रहरी र दमकल विभागले जनाए अनुसार,ति १८ वर्षिय कम्पनी जागिरे प्रतिक्षालयमा  ढलिरहेकी भेटिएको थियो ।उनलाई तत्काल अस्पताल लगिएको र त्यहि मृत घोषणा गरिएको थियो ।