टोकियो/जापान । तपाई कत्तिको रुने गर्नुहुन्छ ? तपाईँको आखाँबाट आँशु नझरेको कति भयो ? तपाईलाई थाह नहुनसक्छ, पछिल्ला वर्षहरुमा जापानमा समूहमा बसेर रुने एक फरक अभियान फस्टाउँदै गएको छ । किनकी रुनु पनि स्वास्थ्यको लागि फाईदा जनक हुन्छ।

रुई खाचुー涙活( आँशु को खोजी) यो शब्द जापानीहरु माझ लोकप्रिय बन्दै गएको छ । यो यस्तो अभ्यास हो, जसले मानिसहरुलाई रुन मद्दत गर्दछ । जस्तै वियोगान्त चलचित्र देखाउने तथा कथाहरु सुनाउने र रुलाउने । रोएपछि मानिसहरुको मनमा भएको तनाव हटेर ताजा अनुभुत गर्ने यो अभियानको निष्कर्ष छ । खासमा मानिसले सबैभन्दा पहिले जानेको चिजनै रुनु हो, यद्यपी ठूलो हुँदै गएपछि रुनुलाईलाई कमजोरी पना या गर्न नहुने कुराको रुपमा सिकाईन्छ र मानिसहरु मनभरी पिडा भएपनि आँशु झार्नबाट डराउँछन् र मन मनै गुम्सिएर अथाह तनावको भुमरीमा फस्न पुग्दछन् । तर त्यो पिडा महसुस भएको बेलामा निर्धक्कसंग रुने हो भने त्यसपछि मानिस ताजापन महसुस गर्न सक्दछ । र यो रुई खाचु नामक सामाजिक अभियानले त्यहि आँशुको खोजी गर्ने गर्दछ ।
अझ भनौँ, रुनु गलत कुरा होईन, यसले मन हल्का बनाउँछ र मानिसलाई पुन: अन्यकर्म गर्नका लागि स्फुर्ती दिन्छ । त्यसैले कहिले काहीँ आँशु झार्नु आवश्यक छ ।

आजकाल जापानमा यसरी रुन मद्दत गर्ने प्रशिक्षक तथा प्रशिक्षण केन्द्रहरुनै पनि खुलेका छन् । टोकियो लगायतका सहरहरुमा समय तालिका छुट्टाएर रुन भेला हुने जमातहरु बढ्दै गरेको जापानी अनलाई मिडियाहरुमा सामाचार प्रकाशित भएका छन् ।

त्यस्तै प्रशिक्षक मध्ये एक हुन योशिदा हिदेफुमी, जो जापानमा मानिसहरुलाई रुन सिकाई रहेका छन् । उनको बारेमा केहि समयअघि  बिबिसी नेपाली सेवाले पनि एक सामग्री प्रकाशन गरेको थियो ।