टोकियो/जापान। यस वर्ष जापानमा हालसम्म २० हजार भन्दा बढी खाद्यान्न र पेय पदार्थहरूको मूल्यवृद्धिको निर्णय गरिएको छ । जुन संख्या गत वर्षकोभन्दा पनि उच्च हो। मुद्रास्फीतिको मारमा परिरहेका उपभोक्ताहरुलाइ मूल्यवृद्धिले छप चुनौती सिर्जना गरिदिएको छ।

क्रेडिट कम्पनी,तेइकोकु डेटा बैंकद्वारा हालै गरिएको सर्वेक्षणले घरायसी उपभोगका लागि उत्पादनहरूको मूल्यवृद्धि उच्च बनाएको देखाएको छ । यस वर्ष जापानमा बर्ड फ्लुका कारण अण्डाको मूल्य हालसम्मकै उच्च भएको छ भने,त्यससंगै जोडिएर अन्य २० हजार भन्दा बढि खाद्यन्न तथा पेय पदार्थहरुको मूल्य बढेको छ ।

मूल्यवृद्धिको भएका वस्तुहरूको कुल संख्या,यस वर्षको मार्चसम्ममा,२० हजार नाघिसकेको छ। यो गतवर्षको तुलनामा तीब्र वृद्धि हो । यहि क्रम जारी रहेमा यस वर्ष जापानमा ३० हजारभन्दा बढि खाध्य तथा पेय पदार्थहरुको मूल्य बढ्नेछ।

यस सर्वेक्षणले अप्रिलको अन्त्यसम्म स्टक एक्सचेन्जमा सूचीकृत १०५ प्रमुख खाद्य तथा पेय पदार्थ कम्पनी र ९० अनलिस्टेड कम्पनीको तथ्यांकहरु समेटेको छ ।