टोकियो/जापान। आज (११ तारिख ) बिहान ४ः१६ बजे जापानको चिबा प्रिफेक्चरको दक्षिणी क्षेत्रमा केन्द्र भएर गएको ५.४ म्याग्निच्युडको भूकम्पले केहि समान्य क्षति पुर्याएको छ।

सुनामीको खतरा सिर्जना नभएको यस पटकको भुकम्पका कारण खानागावा र चिबा प्रिफेक्चरमा ३ जना मानिसहरुमा सामान्य चोटपटक लागेका छन् ।केहि स्थानका भवनहरुको सिसाहरु फुटेका छन् भने धेरै स्थानका विद्युतीय स्वचालित भर्याङहरुको संचालन अवरुद्ध भएको छ।

भूकम्पको केन्द्रविन्दु चिबा प्रिफेक्चरको दक्षिणी भागमा रहेपनि टोकियो तथा खानागावाको सबैजसो क्षेत्रमा धक्का महशुस गराएको थियो।