टोकियो/जापान। ११० नम्बरमा फोन आएपछि एक व्यक्तिको सुरक्षार्थ घटनास्थलमा पुगेका प्रहरीले निवासबाट लाखौँ येन नगद चोरी गरेको आरोपमा महानगरीय प्रहरी विभाग मिताका प्रहरी चौकीका २५ वर्षीय प्रहरी अधिकृत पक्राउ परेका छन् ।

जापानी संचार माध्यमहरुमा प्रकाशित खबरका अनुसार,प्रहरी चौकी क्षेत्रीय महाशाखाका प्रमुख प्रहरी अधिकृत २५ वर्षीय युता याबुकीलाई पक्राउ गरिएको हो ।महानगरीय प्रहरी विभागका अनुसार प्रमुख प्रहरी अधिकृत याबुकीले यसै महिनाको २० र २१ तारिखको बीचमा मिताका शहरको एक घरबाट लाखौँ येन नगद चोरी गरेको आशंका गरिएको छ ।

एक्लै बस्ने ६० वर्षिया मानिससंग सम्पर्क हुन नसकेको भन्दै आफन्तले यही महिनाको २० तारिख ११० नम्बरमा फोन गरे पश्चात उनको सुरक्षाको पुष्टि गर्न प्रमुख प्रहरी अधिकारी गएकै थिए।तर, त्यसपछि घरमा राखिएको एक करोडभन्दा बढीको नगदबाट केहि रकम हराएको थाहपाएपछि आफन्तले महानगरीय प्रहरी कार्यालयमा खबर गरेका थिए ।