टोकियो/जापान। ताईफुका कारण हिजो (२ तारिख) वाकायामा प्रिफेक्चरमा ट्रेन संचालन बन्द भएपछि, होटलमा राखिएका ट्रेनका यात्रुहरुलाई म्याद सकिएको आपतकालिन् खाना वितरण भएको पुष्टि भएको छ।

जेआर वेस्टले संचालन स्थगन भएका एक्सप्रेसबाट होटलमा सारिएका यात्रुहरूलाई वितरण गरिएको आपतकालीन खानाहरुको म्याद सकिएको भेटिएको जापानी संचार माध्यमहरुले खबर प्रकाशन गरेका छन् । यद्यपी,ती खाना खाएका मध्ये अहिलेसम्म कुनै पनि यात्रुले स्वास्थ्यमा समस्या देखिएको उजुरी गरेका छैनन् ।

जेआर वेस्टका अनुसार २ तारिखमा शिन-ओसाका स्टेसनबाट छुटेको सीमित एक्सप्रेस “कुरोसियो” भारी वर्षाका कारण वाकायामा प्रिफेक्चरको केनान शहरको कामोगो स्टेशनमा ८ घण्टा रोकिएको थियो। जसले गर्दा वाकायामामा ४७ यात्रुहरुलाई होटलमा राखिएको थियो।

होटलले यात्रुहरूलाई प्याकेजिङवाला भात तथा बिस्कुट जस्ता आपतकालीन खानाहरू प्रदान गरेको थियो। तर आज, यात्रुहरूले उनिहरुलाई दिइएको खानाको गत वर्षको नोभेम्बरमै म्याद सकिएको भेटेको बताएका हुन् ।

मिति सकिएको खाना दिएको भन्दै ४७ जना मध्ये ४७ जना यात्रुहरुले वितरण गर्ने इन्चार्जले सम्पर्क गरेका थिए ।