टोकियो/जापान। स्याङ्जा समाज जापानको वृहत बार्बेक्यु कार्यक्रम आईतबार,टोकियो स्थित कोगानेइ पार्कमा सम्पन्न भएको छ।

कार्यक्रममा गैरआवासीय नेपाली संघका वर्तमान एवं भुतपुर्व पदाधिकारीहरु, आदिवासी जनजाति महासंघ जापान, थकाली सेवा समिति जापान, तमु धीं जापान, बागलुङ समाज, धादिङ समाज, गलकोट समाज, नेपाल जापान फुटवल एसोसिएशन, पन्चासे समाज, घान्द्रुक समाज, दुधपोखरी समाज,धादिङ समाज जापान, नेपाली जनसम्पर्क समिति लगाएत धेरै संघ संस्थहरु र जापानमा स्थापित विभिन्न व्यक्तित्वहरुको उपस्थिति रहेको थियो।

स्याङ्जा समाज जापानका अध्यक्ष चित्र गुरुङका अनुसार, विशेष गरि जापानमा बसोबास गर्ने स्याङ्जाली दाजुभाई तथा दिदीबहिनीहरुको बाक्लो जमघट भएको कार्यक्रममा २ सय जनाभन्दा धेरै व्यक्तिहरुको उपस्थिति रहेको थियो।

अनौपचारिक रमाईलो भेटघाट तथा खानपिनको कार्यक्रमको बिचमा आयोजित एक औपचारिक कार्यक्रमका बिच जापान भ्रमणमा रहेका, स्याङ्जा जिल्ला विरुवा गाउँपालिका वडा नं. ८ निवासी गण्डकी प्रदेश भलिवल प्रशिक्षक रमेश केसी र स्याङ्जा जिल्ला विरुवा गाउँपालिका वडा नं. ७ निवासी नेपाल भलिवल संघ गण्डकी प्रदेश अध्यक्ष नविन कुमार गुरुङलाई सम्मान गरिएको थियो।

त्यस्तै,छैठौं अधिवेशनमा निर्वाचन मणडलको महत्वपूर्ण भूमिका निर्वाह गरि सर्वसम्मत कार्यसमिति चयन गराउने निर्वाचन मण्डलका संयोजक पिताम्बर चापागाई र निर्वाचन समिति सबैलाई धन्यवाद-पत्र प्रदान गरियो। यस्तैगरि,पाँचौं कार्यसमितिका अध्यक्ष धुर्व ज्ञवालीलाई कार्यकाल सफलतापूर्वक सम्पन्न गरेकाले वधाई पत्र पनि दिइएको थियो भने,स्थापना कालदेखि समाजका हरेक पम्प्लेट र पोष्टरहरु बनाउन सहयोग गर्ने 24*6 printpro लाई पनि प्रसंश प्रदान गरिएको थियो।

समाजका अध्यक्ष चित्र गुरुङको अध्यक्षतामा सम्पन्न औपचारिक कार्यक्रममा,संस्थापक अध्यक्ष जिवन न्यौपानेको प्रमुख आतिथ्यता रहेको थियो  भने,महासचिव सागरमणी न्यौपानेले संचालन गरेको कार्यक्रममा, संस्थाका वरिष्ठ उपाध्योव वेद कार्कीले स्वागत मन्तव्य राखेका थिए।