टोकियो/जापान। महानगरीय प्रहरी विभागका अनुसार आज दिउँसो ३ बजेर १० मिनेटको समयमा टोकियोको मिनातो वार्डस्थित,सिम्बाशीमा रहेको एक भवनमा ठूलो विष्फोट भएको आवाज संगै खैरो धुवाँ निस्किएको थियो ।

तत्काल घटनास्थलमा पुगेको प्रहरी तथा टोकियो फायर डिपार्टमेन्टका अनुसार पाँच तले भवनको दोस्रो तल्लामा आगो लागेको र आगो निभाउन २० भन्दा बढी दमकलहरु पठाईएको छ।
अहिलेसम्म उक्त घटनामा कोहि पनि घाईते तथा चोटपटक लागेको व्यक्तिहरु पुष्टि भएको छैन। आगलागीको कारण तथा त्यसको क्षति लगायतका बारेमा अनुसन्धान जारी छ। थप विवरणहरु आउने क्रम जारी छ।