टोकियो/जापान। हिजो (६ तारिख) राति करिब ११ः१० बजे टोकियोको नेरिमा वार्डको तोयोतामाकिताको कन्विनिएंस स्टोरमा एक ६० वर्षका पुरुषले एक ४० वर्षकी महिलालाई लेखेट्दै चक्कु प्रहार गरेको बताईएको छ।

महानगरीय प्रहरी विभागका अनुसार ४० वर्षकी एक महिलालाई ६० वर्षका पुरुषले पेटमा छुरा प्रहार गरी हत्याको प्रयास गरेता पनि ति महिलालाई तुरुन्त अस्पताल पुर्याएको र चोटपटक लागेपनि खतरामुक्त रहेकी छिन् ।

नेरिमा प्रहरी चौकीका अनुसार ती व्यक्ति करिब १८० सेन्टिमिटर अग्लो थिए। उनले चक्कु जस्तो देखिने धारिलो हतियार लिएर पैदलै भागेको बताइएको छ ।यस घटना तोएओएदो लाईनको नेरिमा स्टेशनबाट करिब १०० मिटर दक्षिणतर्फ रेस्टुरेन्टहरु भएको ठाउँमा घटेको हो ।

घटनाको समयमा कन्विनिएंस स्टोर नजिकै रहेका ४० वर्षका एक पुरुषका अनुसार राति ११ बजेतिर एउटी महिला बचाउ !भन्दै कराउँदै उनको अगाडि दौडेकी थिइन् ।उक्त व्यक्तिले कन्विनिएंस स्टोर नजिकै महिलालाई छुरा प्रहार गरे र भागेकी महिलालाई लखेट्दै पछ्याए। केही बेरपछि त्यो मान्छे बाहिर निस्कियो ।त्यतिखेरसम्म महिलाको शरिरबाट रगत बगिरहेको थियो ।

एक जना प्रत्यक्षदर्शीका अनुसार ति महिला नजिकै रहेको फिलिपिन्स पवसंग सम्बन्धित व्यक्ति हुन् । उनि त्यहि पवबाट बाहिर निस्केर भागेकी थिइन भने उनलाई अर्को पुरुषले लेखेटेका थिए।