साईतामा/जापान। जापानको साइतामा प्रिफेक्चरको उरावा नगरको,एक कन्विनिएंस स्टोरमा काम गर्ने ३० वर्षिया नेपाली युवती नम्रता तिमिल्सिनाले आफ्नो पसलमा इलेक्ट्रोनिक पैसा( ईलेक्ट्रोनिक मनि/पे कार्ड)किन्न आएकी वृद्धालाई ठगि हुनबाट जोगाएको भन्दै, सम्मानित भएकी छिन् ।

साईतामा प्रिफेक्चरको किता उरावा हिगायी गुचीमा रहेको फ्यामिलीमार्टमा पार्ट टाईम जब गर्ने नम्रतालाई,वृद्धालाई ठगिमा पर्नबाट जोगाएको भन्दै साईतामा प्रिफेक्चर,उरावा प्रहरीले कृतज्ञता पत्र प्रदान गर्दै सम्मान गरेको हो ।

प्रहरीका अनुसार यहि जुलाई महिनाको ४ तारिख दिउँसो ३ः३० बजे पसलमा आएकी ७० वर्षिया एक महिलाले १० हजार येन मूल्यको इलेक्ट्रोनिक पैसा(पे कार्ड)किन्न अनुरोध गरिन् ।यस्ता वृद्ध/वृद्धाहरु ठगिमा परेका घटनाहरु सार्वजनिक भइरहने जापानमा,नम्रताले शंका लागेर,ति वृद्धासंग किन किन्न लागेको लगायतका विवरण सोध्दा उनले जवाफमा आफ्नो मोवाईल फोनको म्यासेजमा त्यो १० हजार लगानी गरेर दुई लाख येन प्राप्त गर्नसकिने जानकारी आएकाले किन्न लागेको बताएपछि,त्यो ठगि हुनसक्ने भन्दै प्रहरीलाई फोन गरिएतो थियो। जसको कारण उनि ठगिनबाट जोगिइन ।

जापानमा पछिल्ला केहि वर्षयता यस्ता वृद्ध/वृद्धा लक्षित विद्युतिय ठगिका घटनाहरु बढिरहेका छन्। त्यसैले कतिपय स्थानमा,प्रहरीले पसलमी यस्ता ईलेक्ट्रोनिक पैसाहरु किन्न आउने वृद्ध/वृद्धाहरुलाई शंका लागेमा एक पटक सोध्नका लागि पसलमा काम गर्नेहरुलाई अनुरोध पनि गर्दै आएको छ। जापानमा हालसम्म, यस्ता ठगिबाट जोगाउने दर्जन नेपालीहरु युवा/युवतीहरु जापान प्रहरीबाट सम्मानित भइसकेका छन् ।