टोकियो/जापान। जापानको राजधानी टोकियोको इकेबुकुरोमा रहेको एउटा भवनको एउटा कम्पनीले भाडामा लिएको कोठामा दुईजना व्यक्तिहरु बलजफती प्रवेशगरी एक कर्मचारीलाई स्प्रेजस्तो पदार्थ छर्केर लाखौं येन नगद लिएर भागेको जापानी संचार माध्यमहरुले खबर प्रकाशन गरेका छन् । अहिले ति लुटपाटमा संलग्नहरुलाई प्रहरीले खोजि गरिरहेको छ।

२१ तारिख दिउँसो ४ बजेतिर तोशिमा वार्डको इकेबुकुरोमा रहेको भवन निर्माण कम्पनीले भाडामा लिएको तेस्रो तल्लाको कोठामा दुईजना व्यक्ति प्रवेश गरी कोठामा रहेका एकजना पुरुष कर्मचारीलाई स्प्रेजस्तो पदार्थ छर्केर,त्यस कोठामा रहेको झोलामा राखिएको लाखौँ पैसा लिएर फरार भएको बताईएको छ।

उक्त घटनामा कर्मचारीलाई भने भौतिकरुपमा कुनै चोटपटक नलागेको र उसले नजिकैको प्रहरी बिटमा गएर लुटपाटरो रिपोर्ट गरेको उल्लेख गरिएको छ।

घटना इकेबुकुरो स्टेशन नजिकैको हो । महानगरीय प्रहरी विभागले वरपरका सुरक्षा क्यामेराहरू हेरी,लुटपाटको घटनाको रूपमा अनुसन्धान गरिरहेको छ।