टोकियो/जापान। टोकियो महानगर सरकारले सोमबार राजधानीको चियोदा वार्डमा आन्तरिक र अन्तर्राष्ट्रिय स्टार्टअपहरू, लगानीकर्ताहरू, विद्यार्थीहरू र अन्यलाई भेट्न र साझेदारी विकास गर्नको लागि टोकियो नवप्रवर्तन केन्द्र संचालन प्रारम्भ गरेको छ।

लगभग ५,५००० वर्ग मिटरको सुविधा केन्द्रमा स्टार्टअप पिच प्रतियोगिताहरू, व्यवसाय-देखि-व्यवसाय आदानप्रदान र विद्यार्थीहरूको लागि व्यवसाय शिक्षा कार्यक्रमहरू जस्ता कार्यक्रमहरूको लागि प्रयोग गर्न सकिनेछ।

सह-कार्य गर्ने ठाउँ र स्टार्टअपहरूद्वारा विकसित उत्पादनहरू प्रदर्शन गर्ने क्षेत्र सेटअप भएपछि यो सुविधा आउँदो मे महिनादेखि पूर्ण रूपमा सञ्चालन हुनेछ।

सोमबार आयोजिक कार्यक्रममा जापानभित्र तथा विदेशका स्टार्टअपको वृद्धिलाई समर्थन गर्ने करिब ४०० व्यक्तिहरू भेला भएका थिए।

टोकियोकी गभर्नर युरिको कोइकेले पाँच वर्षमा टोकियोमा लगानीकर्ताहरुको जमघट हुने यस स्थानलाई संख्या १० गुणाले बढाउने सरकारको लक्ष्यबारे बताइन्।

“गभर्नर कोईकेले भनिन्- टोकियोले एउटा यस्तो सहर बन्ने लक्ष्य राखेको छ जहाँ विश्वभरका चुनौतीहरूको सामना गर्दै नयाँ व्यवसाय तथा उत्पादनमा लाग्न चाहनेहरुको जमघट हुनेछ।”

यो खबर योमिउरीमा प्रकाशित छ।