टोकियो/जापान। जापानले देशभर सवारी चालक अभावको बीचमा विदेशी भाषाहरूमा ट्याक्सी तथा बसको लाईसेन्सका लागि चालकको परीक्षण प्रस्ताव गर्ने तयारी गरेको छ । राष्ट्रिय प्रहरी एजेन्सीले आउँदो साताबाट बहुभाषी नमूना प्रश्नहरू वितरण गर्ने बताएको छ।

राष्ट्रिय प्रहरी एजेन्सीले मार्चको अन्त्यसम्ममा राष्ट्रव्यापी प्रिफेक्चरल प्रहरी बलहरूलाई २० भाषाहरूमा नमूना परीक्षा प्रश्नहरू जारी गर्नेछ। उनीहरूलाई स्थानीय आवश्यकताहरूको आधारमा आफ्नै प्रश्नहरू बनाउन अनुमति दिने बताइएको छ।

सवारी चालक अभावको सामना गरिरहेका उद्योग समूहहरूले विदेशी नागरिकहरूलाई सम्बन्धित क्षेत्रमा काम गर्न सक्षम बनाउन थप गर्न अनुरोध गरेपछि दोस्रो श्रेणीको सवारी चालक इजाजतपत्रको लागि नयाँ बहुभाषी दृष्टिकोण आएको हो। स्थानीय बस, ट्याक्सीजस्ता यात्रु ओसारपसारका सवारीसाधन सञ्चालनका लागि इजाजतपत्र आवश्यक भए पनि हालसम्म जापानी भाषामा मात्रै परीक्षण दिइँदै आएको छ ।

एजेन्सीका अनुसार सन २०२२ को अन्त्यसम्ममा, ठूला र मानक सवारी (श्रेणी २ ) इजाजतपत्र भएका ८,८०,५३६ दर्ता भएकामध्ये ५,१८९, वा ०.६% मात्रै विदेशी नागरिकहरू थिए।

प्रस्तावित २० भाषा मध्येमा चिनियाँ, कोरियाली र फिलिपिनी लगायतका एसियाली भाषाहरुको अधिक समावेश हुनेछ । यसका साथै युरोपेली भाषाहरू र अंग्रेजी पनि समावेश हुनेछन् ।

राष्ट्रिय प्रहरी एजेन्सीले सन २००९ देखि पहिलो श्रेणीको लाईसेन्सका लागि अंग्रेजीमा उदाहरण प्रश्नहरू वितरण गर्ने गरेको छ भने परीक्षाहरू २० वटा विदेशी भाषाहरूमा उपलब्ध गराउँदै आएको छ।

पहिले श्रेणीको परीक्षामा समावेश ट्राफिक नियमहरूका प्रश्नहरूको साथसाथै,दोस्रो श्रेणीको परीक्षाले ब्रेक निरीक्षण जस्ता सवारी सुरक्षा प्रक्रियाहरूको ज्ञानको पनि परीक्षण गर्दछ। यो एक विशुद्ध प्राविधिक परीक्षा हो ।