टोकियो/जापान। जापाको निक्केइ स्टक एक्सचेंज बिहीबार ऐतिहासिक उचाईमा पुग्यो । बजारका जानकारहरुका अनुसार निक्केइमा बिहिबार देखिएको वृद्धि सन १९८९ को डिसेम्बर महिनामा कायम उच्च रेकर्ड भन्दा पनि माथी पुग्यो ।

जापानको बेन्चमार्क निक्केई २२५ सूचकांक बिहीबार सन १९८९ मा देखिएको इकनोमिक बबल अघि स्थापित रेकर्ड भन्दा उच्च अंकमा पुग्यो। सूचकांक बिहीबार सन १९८९ को डिसेम्बरमा कायम बिन्दुबाट २.२ प्रतिशतले बढेर ३९,०९८.६८ अंकमा बन्द भयो। यस अघि कायम उच्च कीर्तिमानी अंक ३८,९१५.८७ रहेको थियो। त्यसैले जापानको निक्केइ २२५ सेयर बजार ३४ वर्षअघिको उच्च बिन्दुभन्दा पनि माथी पुगेको छ ।

सेयर बजार किन बढिरहेको छ त ?

टोकियो स्टक एक्सचेन्जमा धेरैजसो व्यापारिक मात्रामा योगदान गर्ने विदेशी लगानीकर्ताहरूको बलियो चासोले गर्दा बजारले हालका महिनाहरूमा तीव्र लाभको संकेत गरेका छन् । खासगरि कम्प्युटर चिप-सम्बन्धि कम्पनीका शेयरहरूको भारी खरिदले बिहीबारको उच्च वृद्धिलाई निर्देशित गर्न मद्दत गर्‍यो । बजारमा सुचीकृत चिप तथा एआई आधारित कम्पनीहरुले एकपछि अर्को नाफा वृद्धि गरेको घोषणा गरे। जसको परिणामस्वरुप लगानीकर्ताहरु लाइन लागेर कारोबारमा उत्रिए र बजार उत्कर्षमा पुग्यो । बिहिबार टोकियो इलेक्ट्रोनको शेयर ६%, एडभान्टेस्ट कर्पोरेशनको ७.५% र सफ्टबैंक ग्रुप कर्पोरेशनको ५.१% वृद्धि भएको थियो।

यसका साथै बैंक अफ जापानले अझै पनि मुद्रास्फीतिलाई प्रोत्साहन गर्न र वृद्धिलाई रोक्न आफ्नो सजिलो मुद्रा नीतिहरू प्रयोग गरिरहेको छ, र यसले अर्थव्यवस्थामा थुप्रिएको धेरै पैसालाई स्टक बजारमा जान प्रेरित गरेको देखिन्छ। यसका अलवा चिनियाँ अर्थतन्त्रमा देखिएको केहि सुस्तता,वासिंग्टन र बेइजिङ बीचको बढ्दो तनाव कारण धेरै ठूला विश्वव्यापी लगानीकर्ताहरूले आफ्नो पोर्टफोलियो चीनबाट अन्यत्र सार्न खोजिरहेका छन् । यस समयमा जापानी स्टक एक्सचेंज उनिहरुको लागि विकल्प बनेको छ। परिणाम स्वरुप बजार वृद्धि भएको आँकलन गर्न सकिन्छ ।

के जापानी सेयर बजारको यो वृद्धि दिगो हुनसक्छ त ?

शेयर बजार विश्लेषकहरुले ३४ वर्षको लामो प्रतिक्षामा अहिले देखिएको बजारको उच्च बिन्दुलाई सेयर बजारको कोसेढुङ्गा मान्न सकिने तर यो लक्ष्य नभइ केबल नयाँ सुरुवात हो भनेका छन् । व्यपार व्यवस्थापन केन्द्रका अनुसार, सेयरधनीहरूले उपलब्ध गराएको पुँजीलाई प्रभावकारी रूपमा उपयोग गर्नका लागि कर्पोरेट कार्यकारीहरूले लगानीमा प्रतिफल र पूँजी लागतको बारेमा सचेत हुनु आवश्यक छ ।

थप अपडेका लागि हामीलाई हेर्दै गर्नुहोला ***