जापान। जापानको ओकायामा, तोत्तोरी र शिमाने प्रीफेक्चरहरू जोड्ने नयाँ सीमित एक्सप्रेस याकुमो सेवा शनिबारदेखि चल्न थालेको छ।

यस अघिका रेलहरू धेरै हल्लिने भएका कारण यात्रुहरूलाई थकित बनाउने भनेर आलोचना गरिन्थ्यो । सोही गुनासाहरुलाई मध्यनजर गर्दै,उक्त लाईनमा नयाँ रेल संचालन थालनी गरिएको हो ।

यस अघि मध्य जापानका पहाडी क्षेत्रहरू हुँदै यात्रा गर्दा रेलहरु हल्लिएर धेरै यात्रुहरुलाई “मोशन सिकनेस”को समस्या देखिने गरेको थियो ।

जेआर-वेस्ट रेलवे कम्पनीका अनुसार, नयाँ रेलहरू प्रविधिले सुसज्जित छन् जसले कारहरूलाई सही समयमा र कर्भको प्रतिक्रियामा कोण झुकाउँछ, जसले यात्राको गुणस्तरमा धेरै सुधार गरेको छ।

शिमाने प्रिफेक्चरको शिन्जी तालमा अस्ताउन लागेको सूर्यबाट प्रेरित भई निमार्ण गरिएको नयाँ रेलहरुको रंग काँस जस्तो देखिएका छन् ।