कोबे/जापान। जापानको भूमि, पूर्वाधार, यातायात तथा पर्यटन मन्त्रालयका अनुसार कोबे विमानस्थलमा प्रशिक्षणमा रहेको एउटा सानो विमानले ३१ गते दिउँसो २ः२७ बजे बेली ल्यान्डिङ गरेको हो ।

उक्त विमानमा तीन जना सवार थिए र कोही कसैलाई चोटपटक नलागेको बताईएको छ। यही समस्याका कारण दिउँसो करिब २ः३० बजेदेखि धावनमार्ग बन्द भएको जनाइएको छ।

कान्साई एयरपोर्टका अनुसार कोबे एयरपोर्टको रनवेमा रोकिएको सानो विमान कोबे शहरको चुओ वार्डमा रहेको शैक्षिक संस्थान हिराता गाकुएनले सञ्चालन गरेको विमान हो।दमकल विभागका अनुसार अहिलेसम्म कुनै पनि क्षतिको पुष्टि भएको छैन र अहिलेसम्म कुनै आगलागी भएको छैन।

घटनाको विस्तृत विवरण लिन प्रहरीले अहिले घटनास्थलमा अधिकारी पठाएको समाचारमा जनाइएको छ।