टोकियो/जापान। जापानका सेल्फ डिफेन्स फोर्सका २४ वर्षीय पूर्व सदस्य डुंगामा एक्लै विश्व घुम्ने सबैभन्दा कान्छो जापानी यात्री बनेका छन् ।

हिरोचुगु किमुरा,शनिबार दिउँसो लगभग २ः४० बजे, उनको यात्राको लक्ष बिन्दुकोरुपमा तय गरिएको, वाकायामा प्रिफेक्चरको हिनोमिसाकी केपमा रहेको कि सुइदो च्यानलको एउटा बिन्दुमा पुगेका थिए ।

किमुराले शनिबार, ३० वर्षअघि २६ वर्ष १० महिनाको उमेरमा सन् १९९४ मार्चमा पहिलो पटक यस उपलब्धि हासिल गरेका सामुद्रिक साहसी यात्री कोजिरो शिराइशीले बनाएको कीर्तिमान तोड्दै सबैभन्दा कम उमेरमा डुंगाबाट विश्व घुम्ने जापानी नागरिक बन्न सफल भएका हुन् ।

किमुराले आफ्नो १२.५ मिटर क्राफ्ट मिरान्डामा चढेर गत वर्षको अक्टोबर २२ मा निशिनोमिया, ह्योगो प्रिफेक्चरको एउटा याट बन्दरगाहबाट यात्रा सुरु गरेका थिए। उनले २३१ दिनमा करिब ५२,००० किलोमिटर यात्रा गर्ने एकल लक्ष पूरा गरेका हुन् ।

किमुराले यात्राको क्रममा, सौर्य उर्जा र अन्य उपकरणहरु प्रयोग गरेर,आफ्नो खाना आफैँले बनाएर खाएका थिए। उनले यात्राको क्रममा कुनै पनि बन्दरगाहहरुमा रोकिएनन् भने कुनै पनि वस्तुहरुको आपूर्ति समेत  नगरेको बताईएको छ।

शनिबार डुंगाबाट किनारामा उत्रिएका, किमुरालाई कम्पनीका सदस्यहरूले समर्थन गर्ने जहाजमा भेटेका थिए। उनले उक्त भेटको उत्सवमा आफ्नो डुंगाको हर्न बजाएर खुसी साटेका थिए।