जापान/इशिकावा। जापानको इशिकावा प्रिफेक्चरको उच्च गुणस्तरको रुबी रोमन जातको अंगुरको गत बिहिबार भएको पहिलो लिलामीमा १ झुप्पा अंगुर १० लाख येनमा बिक्री भएको छ। कानाजावा शहरमा भएको उक्त लिलामीमा एक उच्चतम मूल्यमा बिक्री भएको हो ।

रुबी रोमन इशिकावा प्रिफेक्चरले १४ वर्ष लामो समय लगाएर विकसित गरेको उच्च गुणस्तरको अंगूर हो। पहिलो लिलामी कानाजावा सिटी सेन्ट्रल होलसेल मार्केटमा १९ तारिख बिहान भएको थियो । जसमा छ उत्पादकहरूले पङ्क्तिबद्ध रूपमा उब्जाएको १३३ झुप्पा अंगुरहरु राखिएको थिए।

रुबी रोमनले हरेक वर्ष पहिलो लिलामीमा अभूतपूर्व मूल्य प्राप्त गर्ने गरेको छ। गत वर्ष एउटा झुप्पा १६ लाख येनमा बिक्री भएको थियो । तर यस वर्ष भने अघिल्लो वर्षको तुलनामा केहि सस्तोमा बिक्री भयो ।

यस पटक ताइवानमा सुपरमार्केट चलाउने कम्पनीले एक झुप्पाको १० लाख येनमा खरिद गरेको हो । लिलामी जित्ने व्यक्तिको इच्छाको आधारमा, रुबी रोमन अध्ययन समूहले नोतो हान्तोउ भूकम्पबाट प्रभावित क्षेत्रहरूलाई चन्दाको रूपमा दान गर्ने बताईएको छ।

रुबी रोमनको मूख्य ढुवानी अर्को महिनाको मध्यदेखि
महिनाको अन्त्यसम्म जारी रहने छ। यो वर्ष ३० हजार झुप्पा अंगुरहरु बजारमा पठाउने लक्ष्य राखेको बताईएको छ।