टोकियो/जापान। जापानमा गत जुलाईमा घरपरिवारको खर्च वृद्धि भएको छ। सरकारी तथ्यांक अनुसार बढेको तलवका कारण मानिसहरुले आफ्नो घरका मर्ममत सम्भार,खाद्यान्न तथा मनोरंजनता लागि अघिल्लो वर्षको सोहि अवधीको तुलनामा अधिक खर्च गरेका छन् ।

अघिल्लो वर्षको सोहि अवधीको तुलनामा घरपरिवार खर्छ बढेको भएता पनि, तलव बढेको अनुपातभन्दा अधिक मुद्रास्फीति कायम रहेकाले मानिसहरुले खुलेर खर्च गर्न नसकेको तथ्यांकले देखाएको छ। आन्तरिक मामिला तथा सञ्चार मन्त्रालयका अनुसार जुलाईमा अनुसार दुई वा बढी व्यक्ति भएका घरपरिवारको औसत खर्च २,९०,९३१ येन कायम भएको थियो ।

समग्र खर्चले आवास खर्चमा १७.३ प्रतिशतले वृद्धि गरेको छ, किनकि धेरै मानिसहरूले नयाँ किचन र बाथटबहरू खरिद गर्ने जस्ता घरको मर्मतसम्भार गरेका थिए ।

पेरिस ओलम्पिक हेर्न धेरै घरपरिवारले टेलिभिजन किनेकाले मनोरञ्जनमा खर्च ५.६ प्रतिशतले बढेको मन्त्रालयका एक अधिकारीले बताए। घरेलु प्याकेज भ्रमणको खर्च ४७.० प्रतिशतले बढेको छ भने विदेशी प्याकेज भ्रमणको खर्च ६२.६ प्रतिशतले बढेको छ ।

कम्तिमा दुई जना भएका तलब पाउने घरपरिवारको औसत मासिक आम्दानी जुलाईमा वास्तविक रूपमा ५.५ प्रतिशतले बढेर ६,९४,४८३ येन पुगेको थियो ।यो जुन र मेमा क्रमशः ३.१ प्रतिशत र ३.० प्रतिशतले बढेको मन्त्रालयले जनाएको छ।