टोकियो/जापान। जापानको मौसम विभागले २४ तारिख सम्म जापानको समुद्री तटीय क्षेत्रमा ठूलो हिउँ पर्ने, तीव्र हावाहुरी चल्ने, र खराब मौसमका कारण यातायातमा गम्भीर असर पर्ने चेतावनी दिएको छ।

विशेष गरी होक्काइदो, तोहोकु, र जापान सागरको तटीय क्षेत्रमा भारी हिमपात हुने सम्भावना छ। यसले गर्दा सडक, रेल, र हवाई यातायातमा अवरोध आउनसक्ने अनुमान गरिएको छ। साथै, हावाको तीव्र गतिका कारण झरी र हिमपातसँगै बिजुली कटौती र अन्य आपतकालीन अवस्थाहरु सिर्जना हुनसक्छ।

मौसमविद्हरूले स्थानीयबासीहरूलाई आवश्यक सतर्कता अपनाउन, अनावश्यक यात्रा नगर्न, र मौसम सम्बन्धी जानकारीलाई निरन्तर अपडेट गर्न सल्लाह दिएका छन्। हिमपहिरो र चिसो हावाको प्रभावले घरबाहिरको गतिविधिहरुमा पनि असर पर्नेछ।

केहिदिनदेखि जारी हिमपातले तोहोकु,निगाता,कान्तो कोसिन,होक्काईदो,होकुरिकु तथा च्युगोकु क्षेत्रमा असर पुर्याएको बताइएको छ। २२ तारिखदेखि जापानको नागानो,गुन्मा,फुकुसिमा तथा आओमोरी लगायतका प्रिफेक्चरमा प्रभाव देखिएको छ ।