टोकियो/जापान। जापानको राष्ट्रिय प्रहरी एजेन्सीका अनुसार, सन २०२४ मा जापानभरिका सवारी दुर्घटनामा २,६६३ जनाले ज्यान गुमाएका छन्। जुन त्यस अघिको वर्षको तुलनामा १५ जनाले (०.६%) घटेको हो। यो सन १९४८ मा तथ्याङ्क संकलन सुरु भएदेखि तेस्रो कम मृत्यु दर हो।

अघिल्लो वर्ष दुर्घटनाको संख्या २,९०,७९२ थियो, जुन १७,१३८ ले घटेको हो भने, घाइतेको संख्या ३,४३,७५६ रहेको थियो, जुन २१,८३९ ले घटेको राष्ट्रिय प्रहरी एजेन्सीले जनाएको छ।

मृतकहरूको बीचमा, ६५ वर्ष र माथिका वृद्ध व्यक्तिहरूको संख्या ४७ जनाले बढेर १,५१३ पुगेको छ, जुन कुल मृतकको ५६.८% हो।

प्रिफेक्चर अनुसार, टोकियोमा सबैभन्दा बढी १४६ जनाको मृत्यु भएको छ, त्यसपछि आइचीमा १४१ र चिबामा १३१ जनाको मृत्यु भएको रिपोर्टमा देखिएको छ। त्यसैगरि शिमाने प्रिफेक्चरमा सबैभन्दा कम ९ जनाको मृत्यु भएको थियो भने त्यसपछि तोत्तोरीमा १५ र कोचिमा २१ जनाको मृत्यु भएको बताईएको छ।

प्रति १००,००० जनामा मृत्युको दरको हिसाबले, तोकुशिमा प्रिफेक्चर लगातार दोस्रो वर्ष सबैभन्दा बढी ४.७५ रहेको छ, त्यसपछि एहीमेमामा ४.०३ र यामागुचिमा ३.९३ रहेको बताईएको छ।