टोकियो/जापान। जापानको  श्रम मन्त्रालयका अनुसार , जापानमा कार्यरत विदेशी श्रमिकहरूको संख्या गत वर्ष २३ लाख नाघेको छ। यो लगातार १२ वर्ष सम्म नयाँ उच्च कीर्तिमानी तथ्य हो।

विदेशी श्रमिकहरूको कार्यस्थल वातावरण सुधार गर्नका लागि, जापान सरकारले सन् २००७ देखि विदेशी श्रमिकहरूलाई रोजगार दिने कम्पनीहरू तथा व्यक्तिगत व्यवसायीहरूलाई हलोवर्क (Hello Work) मा जानकारी दिन अनिवार्य गरेको छ। यो तथ्य हलोवर्कमा दर्ता भएको आधिकारिक रेकर्डमा आधारित छ।

श्रम मन्त्रालयका अनुसार, गत वर्ष अक्टोबर को अन्त्यसम्म जापानमा कार्यरत विदेशी श्रमिकहरूको संख्या २३ लाख २ हजार ५ सय ८७ पुगेको थियो।

यो संख्या अघिल्लो वर्षको सोही अवधिको तुलनामा २ लाख ५३ हजार ९ सय १२ ले बढेको हो । जसअनुसार वृद्धिदर १२.४% रहेको छ। सन् २०१३ यता लगातार १२ वर्षदेखि यो संख्या उच्च बन्दै आएको छ।

जापानमा रहेका विदेशी श्रमिकहरुमा सबैभन्दा धेरै
भियतनामीहरु रहेका छन् । गतवर्षको अक्टोबर सम्मको तथ्यांकमा ५ लाख ७० हजार ७ सय ८ जना यानेकी कुल विदेशी श्रमीकहरुको २५ प्रतिशत हिस्सा भियतनामीहरुको रहेको थियो । त्यसैगरि ४ लाख ८ हजार ८ सय ५ जना सहित चिनियाँहरुको संख्या दोस्रो नम्बरमा रहेको छ भने फिलिपिनीहरु २ लाख ५ हजार ५ सय ६५ जना सहित तेस्रो नम्बरमा रहेका छन् ।

पछिल्लो वर्षहरुमा म्यानमार,ईन्डोनेसिया श्रीलंका तथा नेपाल लगायतका मुलुकका श्रमिकहरुको संख्या उच्च मात्रामा वृद्धि भएको छ ।