ओसाका/जापान । स्याङ्जा समाज जापान अन्तर्गत कान्साई क्षेत्रीय समितिको प्रथम अधिवेशन भव्य रूपमा सम्पन्न भएको छ। अधिवेशनबाट सर्वसम्मत रूपमा नयाँ कार्यसमिति चयन गरिएको छ।

कार्यक्रमबाट सूर्य प्रसाद अर्याललाई अध्यक्ष चयन गर्दै आगामी कार्यकालका लागि नेतृत्व सुम्पिएको छ। कार्यक्रममा समाजको संरचना, भावी योजना र समुदायप्रतिको जिम्मेवारीबारे व्यापक छलफल भएको थियो।

नवगठित कार्यसमितिकको अध्यक्षमा-सूर्य प्रसाद अर्याल, उपाध्यक्षद्वयमा – कृष्ण प्रसाद पाण्डे,अनन्त राज भट्टराई, सचिवमा – गिरिश ढकाल,सह-सचिवमा – अनिल क्षेत्री, कोषाध्यक्षमा – अमृत पौडेल, सह-कोषाध्यक्षमा – प्रविण भुजेल चयन भएका छन् । त्यसैगरि सदस्यहरू-राम न्यौपाने, सुन्दर पाण्डे, पुष्पराज पोख्रेल, रमेश भण्डारी, रोशन गैह्रे, काजल गुरुङ, कृति गिरी, सुमेना श्रेष्ठ, ईश्वर रानाभाट, सुरज काफ्ले, विनोद पौडेल, शर्मिला खनाल रहेका छन् ।

अधिवेशनमा स्याङ्जा समाज जापानका केन्द्रिय कार्यसमितिका अध्यक्ष वेद कार्की लगायतका पदाधिकारीहरु सहभागी भएका थिए।

नव-निर्वाचित समितिलाई स्याङ्जा समाज जापानका विभिन्न शाखा र जापानवासी नेपाली समाजका प्रतिनिधिहरूले बधाई तथा सफल कार्यकालको शुभकामना व्यक्त गरेका छन्। समितिले जापानमा रहेका स्याङ्जालीहरूबीच एकता, सहयोग र संस्कृतिको प्रवर्द्धनमा भूमिका खेल्ने अपेक्षा गरिएको छ।