गुन्मा,जापान। जापानको गुन्मा प्रिफेक्चरमा मंगलबार साँझ एक सुपरमार्केटभित्र भालु पस्दा दुई ग्राहक घाइते भएका छन्। प्रहरीका अनुसार उक्त भालुले पसलभित्रै दुई जनामाथि आक्रमण गरेको थियो, जसमा एक जनालाई अस्पताल लगिएको छ।

घटनास्थल नुमाता सहरको सुपरमार्केट भएको बताइएको छ। भालुको प्रजाति तत्काल पहिचान हुन सकेको छैन र आक्रमणपछि भालु त्यहाँबाट भागेको प्रहरीले जनाएको छ।

सुरक्षा क्यामेरामा कैद तस्बिर अनुसार उक्त भालु करिब १.४ मिटर लामो वयस्क थियो। प्रहरीले वरपरका बासिन्दालाई घरभित्रै बस्न र सतर्क रहन आग्रह गर्दै गस्ती गाडीमार्फत चेतावनी जारी गरेको छ।

मंगलबार साँझ करिब ७:३० बजे आपतकालीन फोनमार्फत एक प्रत्यक्षदर्शीले “भालुले पसलभित्र ग्राहकमाथि आक्रमण गर्‍यो” भन्दै खबर गरेका थिए। त्यस्तै, स्थानीय दमकल कार्यालयले पनि पसलका कर्मचारीबाट “भालुले एक पुरुषलाई आक्रमण गरेको” भन्ने जानकारी पाएको जनाएको छ।

घाइते दुई जना क्रमशः ६९ र ७६ वर्षका पुरुष भएको प्रहरीले पुष्टि गरेको छ। उनीहको अवस्था सामान्य रहेको बताइएको छ।