टोकियो/जापान। राष्ट्रिय स्वतन्त्र पार्टी (रास्वपा) का कार्यवाहक सभापति डीपी अर्याल जापान आउने भएका छन्। अर्याल यहि डिसेम्बर ७ तारिख टोकियोमा आयोजना हुने प्रवास नेपाली सम्पर्क विभागको दोस्रो राष्ट्रिय अधिवेशन तथा विशेष भेलामा सहभागी हुन टोकियो आउन लागेको आयोजक समितिले जनाएको छ।

आयोजकका अनुसार अर्यालसँगै पार्टीका केन्द्रीय सदस्य तथा प्रवास नेपाली सम्पर्क विभाग उप-प्रमुख अर्जुन अधिकारीको पनि जापान आगमन तय भएको छ। दुबै नेताहरूले अधिवेशनको उद्घाटन तथा नेपाली समुदायलाई सम्बोधन गर्ने कार्यक्रम रहेको बताइएको छ।

डिसेम्बर ७ मा टोकियोको शिन्जुकुस्थित दाईवा बिल्डिङको शभाहल(Daiva Building (西新宿1-14-11, 6th Floor) मा अधिवेशन तय भएको छ। आयोजकले जापानभरका नेपाली समुदायलाई कार्यक्रममा सहभागी भई नेतृत्वसँग प्रत्यक्ष संवाद गर्न आग्रह गरेको छ।

आयोजक समितिका अनुसार डिसेम्बर ७ को कार्यक्रम प्रवासी नेपाली र रास्वपाबीच अन्तरक्रिया, सुझाव- साझेदारी र भविष्यको दिशा–निर्देशनका लागि महत्वपूर्ण अवसर हुने अपेक्षा गरिएको छ।

प्रवास नेपाली सम्पर्क विभाग जापानका प्रमुख दिलेन्द्र जोशीले, सो अवसरमा जापानवासी नेपाली समुदायलाई सक्रिय सहभागिताका लागि अनुरोध गरेका छन् ।