टोकियो,जापान। जापानको फुकुओकामा रहेको ओमुका ग्लोबल बिजनेस सेनमोन गाक्काउ (大村グローバルビジネス専門学校) मा पहिलो वर्ष अध्ययनरत २४ वर्षिय नेपाली विद्यार्थी सौरभ भट्टराई हाल गम्भीर स्वास्थ्य समस्याका कारण उपचाररत रहेका छन्। झापा स्थायी घर भएका भट्टराई केही समयदेखि मानसिक स्वास्थ्य समस्याबाट पीडित भई अस्पतालमा भर्ना भएर उपचार गराइरहेका छन्।

उपचारमा संलग्न अस्पतालका चिकित्सकहरूका अनुसार उनको मानसिक अवस्थाको दीर्घकालीन उपचार जापानभन्दा नेपालमै पारिवारिक वातावरणमा गराउनु उपयुक्त हुने सुझाव दिइएको छ। चिकित्सकले नेपाल फर्काएर उपचार प्रक्रिया अघि बढाउँदा स्वास्थ्य लाभको सम्भावना बढी रहने उल्लेख गरेका छन्।

तर, हालसम्म अस्पतालमा भएको उपचार खर्च भुक्तानी नगरी बिरामीलाई डिस्चार्ज गर्न नसकिने अवस्था रहेको बताइएको छ। यसले गर्दा उनलाई नेपाल फर्काउने प्रक्रिया समेत प्रभावित भएको छ। आर्थिक अभावका कारण उपचार खर्च तिर्न कठिनाइ भएपछि सहयोगको लागि अपिल गरिएको हो।

सौरभ भट्टराईको उद्धार तथा उपचारमा सहयोग पुर्‍याउन इच्छुक व्यक्तिहरूले बिरामी स्वयम्‌को बैंक खातामा सिधै रकम ट्रान्सफर गरेर सहयोग गर्न सक्ने व्यवस्था गरिएको छ। एक नेपाली युवाको जीवन रक्षा तथा पुनःस्थापनाका लागि उदार मनका सहयोगी हातहरू अगाडि बढ्ने अपेक्षा गरिएको छ।

सौरभ भट्टराईलाई सहयोग गर्नका लागि जापान पोस्ट बैंकको खाता नम्बर
18150-42761011
バッタライ　シャウラブ