टोकियो। जापानमा अगस्ट १ देखि पुराना (कागजी) स्वास्थ्य बीमा कार्ड अस्पताल, क्लिनिक र औषधि पसलमा मान्य नहुने भएको छ।

अब बीमाअन्तर्गत उपचारका लागि स्वास्थ्य बीमासँग दर्ता गरिएको ‘माइ नम्बर कार्ड’ वा ‘शिकाकु काकुनिनशो’ (बीमा योग्यता पुष्टि प्रमाणपत्र) अनिवार्य रूपमा देखाउनुपर्नेछ। यीमध्ये कुनै पनि कागजात नभए उपचारको पूरै खर्च आफैंले अग्रिम तिर्नुपर्ने हुन सक्छ।

सरकारले सन् २०२४ डिसेम्बरदेखि नयाँ कागजी स्वास्थ्य बीमा कार्ड जारी गर्न बन्द गरेको थियो। त्यसयता लागू गरिएको संक्रमणकालीन व्यवस्था जुलाई ३१ मा समाप्त हुँदैछ।

सरकारले माइ नम्बर कार्ड प्रयोगकर्तालाई कार्ड र त्यसमा रहेको इलेक्ट्रोनिक प्रमाणपत्रको म्याद पनि एकपटक जाँच्न आग्रह गरेको छ।