धादिङ । धादिङको धुनिबेशी ६ धार्केबाट ९ जनालाई प्रहरीले नियन्त्रणमा लिएको छ । काठमाण्डौँको नागढुङ्गा नाका हुँदै छुट्टाछुट्टै सवारी साधनमा धार्के आएका ८ महिला र १ पुरुषलाई बुधबार बेलुका नियन्त्रणमा लिईएको ईलाका प्रहरी कार्यालयका प्रमुख जिवन निरौलाले जानकारी दिए ।
नागढुङ्गामा माईती नेपालले चेकजाँच गर्ने भएकाले धार्के सम्म छुट्टाछुट्टै सवारी साधनमा आएर भारत तर्फ जानका लागि तयारी गर्दा गर्दै स्थानियको सुचनाको आधारमा प्रहरीले पक्राउ गरेको हो ।

निरौलाका अनुसार पक्राउ पर्नेमा दाङ घोराहीका ३५ वर्षिय प्रसाद विश्वकर्मा सहित ८ जना महिला रहेका छन् । पक्राउ पर्नेमा २२ वर्ष देखी ३८ वर्ष सम्मका महिला रहेका छन् । ति महिलाहरु नुवाकोट, मकवानपुर, ईलाम, तेह्रथुम, काभ्रे, सँखुवासभा, सिन्धुली र रौतहटको रहेको प्रहरीले जनाएको छ ।
आवश्यक अनुसन्धानका लागि खानिखोला प्रहरीले पक्राउ परेका सबै आठ जना महिलालाई नै माईती नेपाल नागढुङ्गामा पठाएको थियो । ५ जना महिला पहिलोपटक विदेश जान लागेको भएपनि ३ जना महिला यस अघि पनि विदेश ओहोदोहोर गरिरहेको र पक्राउ परेका पुरुषलाई कुनै पनि महिलाले नचिनेको भन्नुले घटना सँकास्पद रहेको भन्दै माईती नेपाल नागढुङ्गाले पनि थप अनुसन्धान गर्नुपर्ने भएकाले आफ्नो केन्द्रिय कार्यालय गौशालामा पठाईएको माईती नेपाल नागढुङ्गाका सुपरभाईजर पदम बस्नेतले बताए ।