काठमाडौं– दरबारमार्गको चर्चित क्लब डेजाभूमा बुधबार राति तोडफोड भएको छ।

अमेरिकाका चर्चित डिजे मार्समेलो आउने भनेर टिकट बेचे पनि उनलाई नल्याएपछि टिकट काटेर डिस्को पुगेका सर्वसाधारणहरुले तोडफोड गरेका हुन्।

३ हजारभन्दा धेरै व्यक्ति ५ हजार दरको टिकट काटेर डिस्को पुगेका थिए। मार्समेलो नआउने खबर पाएपछि उनीहरु आक्रोशित बने र तोडफोड गर्न थाले। घटनामा एक जना घाइते भएको महानगरीय प्रहरी परिसर काठमाडौंका एसपी रामदत्त जोशीले बताए।

मार्समेलोले भने बिरामी भएका कारण आफू आउन नसकेको जानकारी दिँदै ट्वीटरमार्फत माफी मागेका छन्। आयोजकले समयमै सूचना दिन नसक्दा तोडफोड भएको क्लबका कर्मचारीहरु बताउँछन्।