काठमान्डौं– नामिबियामा जारी आईसिसी वल्र्ड क्रिकेट लिग डिभिजन दुईअतर्गत आफ्नो तेस्रो खेलमा नेपाल अहिले यूएईसँग भिडिरहेको छ। टस हारेपछि ब्याटिङको निम्ता पाएको यूएईले २५ ओभरको खेल समाप्तीमा ७ विकेट गुमाएर ८८ रन जोडेको छ। सन्दिप लामिछानेले तीन , साेमपाल कामीले दुई तथा पारस खड्का र करन केसीले एक लिएका हुन्।

यूएईले एक रन जोड्दा असफाक अहमदलाई सोमपाल कामीले बोल्ड आउट गरे। सोमपालले लगातार तेस्रो खेलमा विपक्षिको पहिलो विकेट लिएका हुन्। उनले पहिलो ओभरको तेस्रो बलमा असफाकलाई गोल्डेन डक आउट बनाए । यूएईले २५ रन जोड्दा दोस्रो विकेट गुमायो ।

सोमपालले १६ रनमा खेलिरहेका विकेटकिपर घुलाम सब्बिरलाई क्याच आउट गराए। सोही स्थितीमा करनले रोहन मुस्ताफालाई सात रनमा आउट गरे।१८ औं ओभरमा बलिङ गर्न आएका सन्दिपले दोस्रो र तेस्रो बलमा विकेट लिएका हुन् । उनले अाफ्नाे तेस्राे अाेभरमा साइमान अनवरलाइ ब्यक्तिगत ३० रनमा अाउट गरे। पारसल २३ अाै‌ अाेभरमा अाफ्नाे पहिलाे विकेट हात पारेका हुन्।

वर्षाका कारण यो खेल ३४ ओभरमा घटाईएको छ। पहिलो खेलमा नामिबियालाई एक विकेटले हराएको नेपाल दोस्रो खेलमा ओमानसँग ६ विकेटले पराजित भएको थियो। नेपाली टोलीमा यसअघि दुई खेलमा खेलेका सबै खेलाडीलाई यूएईविरुद्ध पनि निरन्तरता दिईएको छ।