१७ कात्तिक, चितवन । माओवादी केन्द्रका अध्यक्ष पुष्पकमल दाहाल प्रचण्डको चुनावी प्रचारप्रसारका लागि अनेरास्ववियुका अध्यक्ष नविना लामा चितवन पुगेकी छन् ।

वाम विद्यार्थी संगठनको निर्णयअनुसार एमाले अध्यक्ष केपी ओलीको चुनावी प्रचारप्रसारमा अखिल क्रान्तिकारीका अध्यक्ष रञ्जित तामाङ र माओवादी केन्द्रका अध्यक्ष पुष्पकमल दाहाल प्रचण्डको चुनावी प्रचारप्रसारका लागि अनेरास्ववियु अध्यक्ष लामा चुनावी प्रचारप्रसारमा खटिएकी हुन् ।

चितवनको चुनावीसभामा अनेरास्ववियुका अध्यक्ष लामाले सम्बोधन गर्दै मुलुक निर्माणमा वाम गठबन्धनको विकल्प नरहेको जीकिर गरिन् । उनले भनिन्, ‘कुनैपनि ठेकेदारहरुले मुलुक निर्माण गर्न सक्दैनन् ।’ सभामा उनले वाम गठबन्धनका साझा उम्मेरदवारहरुले नै चुनाव जित्ने बताउँदै प्रचण्डले १० हजार बढी मतले जित्ने दावी समेत गरिन्

नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहालले बिहीबार मनोनयन दर्ता गरेका छन् ।